Ground Zero
September 16, 2026
प्रमुख प्रतिपक्षी दल नेपाली कांग्रेसका सांसद अर्जुननरसिंह केसीले संकटको फाइदा उठाउँदै कालोबजारी गर्नेहरूप्रति सरकार मुकदर्शक बनेको आरोप लगाएका छन् । बुधबार प्रतिनिधि सभाको विशेष समयमा बोल्दै सांसद केसीले बजारमा खाद्यान्न, ग्यास र तरकारीको मूल्य अस्वाभाविक रूपमा बढ्दा पनि अनुगमन निकायहरू नीरिह बनेको बताए।
उपत्यकामा दैनिक ४० हजार सिलिन्डर ग्यासको माग हुँदा आधा मात्र आपूर्ति भएको र उपभोक्ताले घण्टौँ लाइन बस्नुपरेको उनको भनाइ छ। २० प्रतिशतभन्दा बढी नाफा लिन नपाइने नियम कागजमा मात्र सीमित भएको उल्लेख गर्दै उनले संकटको आडमा भइरहेको यो लुट रोक्न र जनताको चुलो बल्ने सुनिश्चितता गर्न सरकारसँग माग गरे।
ग्राउन्ड जीरो यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। तपाईँ फेसबुक, इन्स्टाग्राम र ट्विटरमा पनि हाम्रा सामग्री हेर्न सक्नुहुन्छ।
