भारतको भन्सार

भारत सरकारले कच्चा खाने तेलको आयात भन्सार दर घटाएपछि नेपालबाट भारततर्फ हुने खाने तेल निर्यात प्रभावित हुने भएको छ। सेप्टेम्बर २४ देखि भारतले सोयाबिन र पाम तेलको कच्चा पदार्थमा भन्सार साढे १६ बाट साढे ११ प्रतिशत तथा सूर्यमुखी तेलमा साढे ५ प्रतिशतमा झारेको छ।

यस निर्णयसँगै नेपाली उद्योगीहरूले भारतसँग प्रतिस्पर्धा गर्न नसक्ने र निर्यात ठप्प हुने स्थिति बनेको छ। नेपालबाट सर्वाधिक निर्यात हुने सोयाबिन र सूर्यमुखी तेलको निकासी रोकिएमा स्वदेशी उद्योगहरू बन्द भई मजदुरहरू बेरोजगार हुने जोखिम बढेको उद्योग संगठन मोरङले जनाएको छ।