सरकारी प्रतिबन्ध र भ्रष्टाचारविरुद्धको आन्दोलनमा १६ प्रदर्शनकारीको मृत्यु

सरकारले सामाजिक सञ्जालमा लगाएको प्रतिबन्ध र भ्रष्टाचारको विरोधमा जेनजीको प्रदर्शनका क्रममा प्रहरीले गोली चलाउँदा मृतकको संख्या १६ पुगेको छ। एभरेस्ट अस्पताल, ट्रमा सेन्टर, सिभिल हस्पीटल, केएमसी र त्रिवि शिक्षण अस्पतालमा उपचाररत घाइतेमध्ये थपको मृत्यु भएको पुष्टि भएको हो।
मृत्यु हुनेमा कालिकोट घर भएका २५ वर्षीय पवन शाही, बाँके घर भएका २५ वर्षीय सुलभ राज श्रेष्ठ, करिब १९ वर्षीय सिमाय चौलागाईं र कीर्तिपुर नगरपालिका–२ घर भएका ४१ वर्षीय बुद्धिबहादुर तामाङ छन् । बाँकीको अहिलेसम्म पहिचान खुलेको छैन ।
२ सय भन्दा बढी घाइतेमध्ये एक दर्जन गम्भीर अवस्थामा छन्।